El referendum costituzional del 2020 in Italia el gh'è staa el 20 e 'l 21 de settember del 2020 per decid se cambià o no i artìcoi 56, 57 e 59 de la Costituzion cont on numer pussee bass de parlamentar.
El test, approvaa in via definitiva a la Cambra di Deputaa el 8 de ottober 2019, el preved 400 deputaa e 200 senator. El 10 de sginee 2020 71 senator han presentaa a la Cassazion i firmi per avè on referendum, che l'è staa fissaa del governo el 29 de marz, ma l'è staa spostaa a settember per via de l'emergenza COVID-19.
La reforma la predev anca che ghe sien al massim cinch senator a vitta, e la ciariss donca 'n vegg problema del dirizz costituzional italian: quell se i cinch senator a vitta sien de cuntà per president o in total.